15 August Desh Bhakti Poem in Hindi

15 August Desh Bhakti Poem in Hindi | Independence Day Hindi Poem

Swatantrata Diwas Amar Rahey

Wahi Purab Hai, Wahi Paschhim Hai,

Washi Uttar Hai Wahi Dakshin,

Tukde-Tukde Meri Dharti Ke,

Nahi Bhulta Mai Woh Kshan.

Kaisey Beete Pata Nahi Hai,

67 Warsh Azadi Ke.

Azad Hindustan Kaisa Hoga,

Sapne Har Ek Manav Ke.

Jan-Jan Mein Goonjta Naam Hai,

Bhaarat Ke Veer Shahidon Ka.

Aaj Bhi Aisi Veer Shahidi,

Bhula Na Sakta Hindustan.

Karwan Ki Pakdi Dagar Aisi,

Grihatyag Balidaan Kiya.

Maatribhumi Ko Sheesh Chadhane,

Veeron Ne Kaisa Pran Liya.

Ahinsa Ke Bal Gaandhi Koode,

Raajneeti Nehru Ji Ki.

Subhash Chander, Shekhar Jaison Ne,

Laaj Bachaai Bhaarat Ki.

Raajguru, Batukeshwar Dutt Bhi,

Shaheed Ho Gaye Is Ran Mein.

Amar Shaheedi Tabhi Bachi Hai,

Swatantra Bhaarat Ke Kan-Kan Mein.

Chale Gaye Angrez Chhod Desh,

Apni Dharti Tod Gaye.

Bhaarat Aur Pakistan Banaakar,

Fir Sey Jhagda Jod Gaye.

“Angrejo Bhaarat Chhodo”,

“Jai Hind” Hamara Naara Tha.

Bhaarat Ki Dharati Goonj Uthi,

Jan-Jan Ne Yahi Pukara Tha.

Aao Aaj Fir Sey Hum,

Unhi Palon Ko Yaad Karen.

Yah Shubh Din Amar Rahey,

Baar-Baar Fariyaad Karein.

“Jai Hind” “Jai Bhaarat” Bolo,

Desh Bhakti Mein Amrit Gholo.

Swatrata Diwas Amar Rahey,

Hindustani Dil Sey Bolo.